English
Fara á forsíðu
Text
EFTIRLIT - SVÍNARÆKT
Reglugerð nr. 219/1991 segir til um aðbúnað og eftirlit með svínabúum á Íslandi. Sjávarútvegs- og landbúnaðarráðherra fer með yfirstjórn þeirra mála sem reglugerð þessi tekur til. Matvælastofnun skal vera ráðherra til aðstoðar og ráðuneytis og hafa undir sinni stjórn dýralækni svínasjúkdóma, sem starfar samkvæmt erindisbréfi og skal í samvinnu við héraðsdýralækna sinna vörnum, sjúkdómsgreiningu og reglubundnu eftirliti varðandi svínasjúkdóma.

Eftirlit

Eftirlit með Salmonellu í svínarækt er með þrennum hætti:
  1. Kjötsafasýni - fylgst er með mótefnum gegn salmonellu í kjötsafa allt árið.
    Mótefni myndast í flestum tilvikum gegn salmonellu í svínum þegar þau verða fyrir smiti. Með því að mæla styrk mótefna í kjötsafa allt árið um kring má fylgjast með breytingum í magni þeirra og meta hvort smitálag salmonellu á svínabúunum sé  hverfandi, lítið eða mikið.
  2. Stroksýni - leitað er að salmonellu á yfirborði svínaskrokka við hverja slátrun.
    Við flutning svína í sláturhús, við bið þeirra í sláturrétt eða við slátrunina, geta þau smitast og skrokkarnir mengast af salmonellu. Svín sem eru laus við smit geta mengast með þessum hætti. Svín sem bera í sér salmonellu geta mengað flutningstæki, sláturhús og aðra skrokka. Því er nauðsynlegt að fylgjast með yfirborðsmengun skrokka til þess að koma í veg fyrir eins og kostur er, að mengað svínakjöt fari á markað.
  3. Saursýni - leitað er að salmonellu einu sinni á ári á svínabúum í fyrsta flokki.
    Til þess að fylgjast reglulega með því hvaða sermisgerðir salmonellu eru hugsanlega á ferðinni hverju sinni er nauðsynlegt að taka sýni sem næst upprunanum. Mikilvægt er að fá vitneskju um sermisgerðirnar og lyfjanæmi þeirra því sumar eru meinvirkari en aðrar. Vitneskja um sermisgerðirnar eru einnig mikilvægar þegar rekja þarf smitið og getur þá þurft að greina erfðaefni þeirra í því samhengi.

Greining sjúkdóma

Sjáfstætt starfandi dýralæknar og héraðs- eða eftirlitsdýralæknar senda liffæri úr svínum frá sláturhúsum eða svínabúm til rannsókna hjá Tilraunastöð Háskóla Íslands að Keldum. Niðurstöður berast til sendanda og dýralæknis svínasjúkdóma sem ákveða hvaða aðgerða sé þörf.


Annað eftirlit

Á hverju svínabúi skal starfrækja innra eftirlit. Innra eftirlitið skal lýsa þeim fyrirbyggjandi aðgerðum sem gripið er til, til að tryggja gæði, öryggi og hollustu svínaafurðanna. Matvælastofnun tekur út innra eftirlit svínabúanna einu sinni á ári.

Innra eftirlitið skal að lágmarki taka til eftirfarandi þátta:
  • Smitvarna, eftirlits og úrbóta
  • Meindýraeftirlits
  • Innkaupa á fóðri, geymslu þess, fóðurgerðar og notkunar
  • Lyfjanotkunar
  • Þjálfunar starfsmanna
  • Hreinlætisáætlana sem fela í sér umgengnisreglur, þrif, sótthreinsun, hreinlætis- og viðhaldseftirlit
  • Skiptingu ábyrgðar
  • Skráningu fyrirbyggjandi aðgerða, m.a. lyfjanotkun, þrif, mælingar á sýrustigi, niðurstöður efnagreininga, viðbrögð við frávikum
  • Árlegra innri úttekta eða árlegrar sannprófunar á innra eftirliti

Ítarefni:

    Nánar um eftirlit með salmonellu í svínarækt

    Niðurstöður eftirlits með svínum

    Smitsjúkdómaskimanir í svínum

Skráning á póstlista

Upplýsingar

Fróðleikur frá A-Ö

A Á B C D E É F
G H I Í J K L M
N O Ó P R S T U
Ú V X Y Ý Þ Æ Ö

Spurt og Svarað

  • Aðalskrifstofa
  • Austurvegur 64
  • 800 Selfoss
  • Inn- og útflutningsskrifstofa
  • Stórhöfða 23
  • 110 Reykjavík